我唔係傻瓜機

我係年幾前買咗部 Canon 450D 俾自己，跟住一路都擺埋一邊 (大概一年到) 無咩理佢，到最近三兩個月又拎返出嚟用，呢個 BLOG 所有相都係用佢嚟影，如果你覺得都有 D 影得唔錯，咁其實都唔係太關部機事，因為我當佢係傻瓜機咁用，差唔多係全用 auto 嚟影，其實係我嘅後期製作技術越嚟越成熟唶！

用 auto 就無咩唔好，不過有好多可以控制嘅我就無控制到，例如我控制唔到用邊點嚟對焦，如果你睇真 D 相，大部分都係正正經經咁將件嘢 position 係正中央，影得多就有 D 悶，有好多又唔夠光 ， 有 D 又太光，有 D 又太黃，唔好提咩景深/淺住，呢樣嘢完全係我知識範圍以外，好彩有後期製作，如果唔係睇怕呢個只會係一個 plain text BLOG。

昨晚，小女子終於又抄返本七日學曉 450D 手冊出嚟，我決定要認真學吓 D functions，最重要係會嘗試多 D 用吓，因為我成日唔記得 D 掣點用，希望之後影嘅相會有進步啦！