2009.10.21 Dinner

屋企落咗蟻藥之後，唔知係心理作用定係咩，感覺上好似少咗蟻蹤，由一日俾蟻咬幾次到今日淨係咬咗一次，情況好似得到控制，希望過多幾日就一次都唔會啦！

因為無咁多蟻咬我嘅關係，今日我比較有心機，所以整咗嗰甜品同我家老爺 share (因為我地都要控制體重，雖然從來都控制得唔好)，佢話味道唔錯，可惜嗰份量控制得唔好，整多咗好多西米，下次我量得好 D 再後加食譜啦！

先嚟今晚碟頭飯嘅相，係蕃茄燴雞絲飯。


再嚟生果，半隻 Rocky Melon。


甜品出場，紅豆西米糕。


食完好滿足！