十月份無 post 嘅相

我地差不多每日都會煮飯，但唔會次次都影相，又就算影咗，都唔一定會 post 出嚟。對於我嚟講，佢地比較似攝影/煮食練習，有好多時，我影/煮得唔靚/好。我覺得靚嗰 D 就通常會比較有心機出 post。

我想之後不定期咁將 D 無 post 嘅相 show 出嚟，因為就算我覺得佢地影/煮得唔好，但我當時都有擺過心機落去，當做一個紀錄啦！

南乳雞翼，某日晚餐其中一味餸，由於個味有 D 怪怪地，所以...


青椒雲耳炒雞柳，呢個主要你用嚟比 WC (即係我家老爺) pack lunch，因為唔係樣樣餸都適合返叮，青椒算係其中一樣返叮之後都唔會太難食嘅菜類。


某日嘅晚餐，煎三文魚 & 肉鬆炒荷蘭豆，我自己對三文魚完全無興趣，因為實在太腥啦，所以配"肉鬆"炒荷蘭豆而唔係"清炒"，因為我淨食炒荷蘭豆，有小小肉碎吊味好 D。


炒烏冬，某周末嘅午餐，由於做法同之前炒上海麵近似，所以無專登 post 出嚟。